வருக்க வார்த்தைகள் - ய் வருக்கம்

அலுவலகத்தில் இருந்து வீட்டுக்குள் நுழைந்த தந்தையைக் கண்டவுடன், வீட்டுப்பாடம் செய்துகொண்டிருந்த கலைவாணி, 'ஹய்யா... அப்பா வந்துட்டாங்க..." என்று வேகமாக ஓடி வந்து தன் தந்தையைக் கட்டியணைத்து முத்தமிட்டு தன் மகிழ்ச்சியைத் தெரிவித்தாள்.

'என்னம்மா, இவ்வளவு மகிழ்ச்சியாய் இருக்கிறாய்? என்ன காரணம்?" என்று கேட்டார் தந்தை.

"ஊரிலிருந்து மாமா தொலைபேசியில் அம்மாவிடம் பேசினார்கள். விடுமுறைக்கு தாத்தா, பாட்டி, மாமா, அத்தை, குட்டிப் பாப்பா எல்லோரும் நம்ம வீட்டுக்கு வருகிறார்களாம். குட்டிப் பாப்பாவுடன் விளையாடுவது எனக்கு ரொம்ப பிடிக்கும். அதனால் தான் நான் மிகவும் மகிழ்ச்சியா இருக்கிறேன்" என்றாள் கலைவாணி.

அப்படியா... மிகவும் நல்ல சேதி தான். ஆமாம் என்று வருகிறார்கள்?

"அடுத்த வாரம் வருகிறார்களாம்" என்று சொல்லிக்கொண்டே வந்தார், கலைவாணியின் அம்மா.

"அப்பா... அப்பா..." என்று கத்தினாள் கலைவாணி.

என்னம்மா? ஏன் இப்படி கத்துகிறாய். அவர்கள் வரும் வரையில் உன்னை சமாளிக்க முடியாது போலிருக்கிறதே என்றார் சிரித்துக்கொண்டே.

ஆமாம் அப்பா. ஆனால் நான் கூப்பிட்டது அதற்காக இல்லை. இன்று நான் தமிழில் புதிதாக ஒன்று கண்டுபிடித்தேன், அதை உங்களிடம் சொல்லவேண்டும்.

அப்படியா? என்ன கண்டு பிடித்தாய்?

"தாத்தா, மாமா, பாப்பா" இந்த வார்த்தைகளை எல்லாம் சொல்லிப் பாருங்கள், அதில் ஒரு ஒற்றுமை இருக்கிறது. என்ன என்று சொல்லுங்கள் பார்க்கலாம்?

"இவையெல்லாம் உறவைக் குறிக்கும் சொற்கள். அது தான் ஒற்றுமை" என்றார் கலைவாணியின் தந்தை.

அது மட்டும் இல்லையப்பா, இன்னொரு ஒற்றுமை இருக்கிறது. என்னவென்று நான் சொல்லட்டுமா?

எங்கே சொல்லு பார்க்கலாம்...

"தாத்தா என்ற சொல் எல்லாம் 'த்' வரிசை சொற்களாக இருக்கிறது. அதே போல் மாமா மற்றும் பாப்பா என்ற சொற்களும் ஒரே வரிசைச் சொற்களாக இருக்கிறது. உங்களுக்கு இது கூட தெரியலை..." என்று கூறி கைக்கொட்டி சிரித்தாள் கலைவாணி.

"அட ஆமாம், நான் அதை கவனிக்கவேயில்லை. அருமை கலைவாணி" என்று பாராட்டினார்.

"இது போன்று வேறு சொற்களும் தமிழில் உள்ளதா அப்பா?" என்று கேட்டாள் கலைவாணி.

ஆம் இன்னும் பல சொற்கள் உள்ளன. சட்டென என் நினைவுக்கு வருவது... காக்கா தான். மற்ற சொற்களையும் கண்டுபிடித்து ஒரு பட்டியல் தயார் செய்யப் போகிறேன். எனக்கு நல்லதொரு தமிழ்ப் பணி கொடுத்துவிட்டாய் கலைவாணி. நன்றி என்று சிரித்துகொண்டு பாராட்டினார் தந்தை.

அந்த பட்டியல் இதோ...

ஓர் எழுத்து சொற்களை சென்ற முறை பார்த்தோம். (அதன் இணைப்பு இங்கே பார்க்கலாம்). ஒரே வகை எழுத்துகளை கொண்டு தமிழில் சொற்கள் அமைக்க முடியும் என்பது வியப்பாகத்தான் இருக்கிறது. ஓர் எழுத்து வருக்கத்தைக் கொண்டே அமைந்த வார்த்தைகள் தமிழில் ஏராளம் உள்ளன. தமிழ் மொழியின் பல சிறப்புகளில் இதுவும் ஒன்றாகும். தமிழைப் போன்று ஒலியை முன்னிலைப்படுத்தி (Phonetic) உள்ள இந்திய மொழிகள் சிலவற்றிலும் இது போன்று அமையலாம், உதாரணமாக ஹிந்தி மொழியில் மாமா (चाचा / काका ) அக்கா (दीदी) சிவப்பு (लाल) போன்ற சொற்களைச் சொல்லலாம். ஆனால் நம் தமிழில் உள்ளது போல், இத்தனை சொற்கள் இருக்குமா என்பது ஐயமே.

வாருங்கள் என்னென்ன சொற்கள் என்று பார்க்கலாம். அதிக உபயோகத்தில் இல்லாத வார்த்தைகளுக்குப் பொருள்களையும் கொடுத்துள்ளேன்.  பெயர்கள், பிறமொழி சொற்கள் தவிர்த்து, கிட்டத்தட்ட 121 சொற்கள் வரை தொகுக்க என்னால் முடிந்தது. இதில் விடுபட்டுப்போன, உங்களுக்குத் தெரிந்த சொற்களை, பின்னூட்டத்தில் பகிரவும்.

நன்றி

அன்புடன் என்றும்
இராம்ஸ் முத்துக்குமரன்.

வருக்க வார்த்தைகள்